Հոկտեմբերի 7-8-ը ԵՊՀ միջազգային համագործակցության վարչությունը  «Մոլդովայի և Հայաստանի բուհերի հետազոտության կառավարման և բաց գիտության կարողությունների զարգացում (MINERVA)» ծրագրի  շրջանակում  կազմակերպել էր «Հանրահասանելի գիտություն» միջազգային հիբրիդ աշխատաժողով, որին մասնակցում էին Հայաստանի ու Մոլդովայի, ինչպես նաև ԵՄ մի շարք այլ երկրների համալսարանների և գիտակրթական այլ հաստատությունների պատվիրակներ։

Աշխատաժողովի ընթացքում ԵՊԲՀ գիտության գծով պրոռեկտոր, պրոֆեսոր Կ․Բ․ Ենկոյանը ներկայացրեց հանրահասանելի գիտության ուղղությամբ ԵՊԲՀ փորձն ու ձեռքբերումները և առաջարկեց հանրահասանելի գիտության ներդրման ճանապարհային քարտեզը՝ ԵՊԲՀ մեկնաբանությամբ։