Աշխատակազմի մեջ են մտնում աշխատակազմի ղեկավարը, աշխատակազմի ղեկավարի տեղակալը, մասնագետները և ռեկտորի կողմից որոշված այլ աշխատողներ:
Աշխատակազմի կառուցվածքում գործում են երեք աշխատանքային խմբեր.
- «Սննդի սպասարկման, առևտրի, արարողակարգի և միջոցառումների կազմակերպման աշխատանքային խումբ»
- «Տարածքների վերահսկման խումբ»
- «Տպագրական աշխատանքային խումբ»
Աշխատակազմի հիմնական խնդիրներն են՝ ապահովել համալսարանի կազմակերպական հարցերի իրականացումը, ռեկտորի հանձնարարությունների կատարումը, ինչպես նաև աշխատակազմի կանոնակարգով հաստատված այլ լիազորություններ:
Աշխատակազմն իր խնիրներին համապատասխան՝ լիազորված է իրականացնելու հետևյալ գործառույթները՝
- նախապատրաստել ռեկտորի, ռեկտորատի կողմից արձակվող իրավական ակտերի նախագծեր և հայտնել իրավական ակտերի նախագծերի և այլ փաստաթղթերի մասին կարծիք,
- հետևել մամուլին, իրականացնել համալսարանի կապը ԶԼՄ-ների հետ,
- կազմակերպել ռեկտորատի նիստի նախապատրաստական աշխատանքները, կազմակերպել ռեկտորատի նիստի մասին ծանուցումը ռեկտորատի անդամներին և համապատասխան ստորաբաժանումներին, ռեկտորին ներկայացնել ռեկտորատի և ռեկտորի կողմից անցկացվող այլ խորհրդակցությունների օրակարգը, որոշումների նախագծերը,
- ռեկտորի հանձնարարությամբ մշակել համալսարանի գործունեության հետ կապված միջոցառումները և ծրագրերի նախագծերը, ներկայացնել և կազմակերպել դրանց իրականացումը,
- ներկայացնել առաջարկություններ համալսարանի ռեկտորի հրամանների, որոշումների, հանձնարարականների կատարման վերաբերյալ,
- ռեկտորի հանձնարարությամբ կազմել ռեկտորին ուղղված փաստաթղթերի մասին եզրակացություններ և առաջարկություններ,
- կազմակերպել ռեկտորին դիմող քաղաքացիների ընդունելություն, ինչպես նաև վերլուծել նրանց դիմումները, բողոքները և առաջարկությունները, ամփոփել դրանք և ներկայացնել ռեկտորին:
Աշխատակազմի աշխատողներն իրականացնում են աշխատակազմի գործառույթներից բխող աշխատանքներ, կատարում են ռեկտորի, աշխատակազմի ղեկավարի հանձնարարությունները:
