- Հոդվածները պետք է ապահովեն գիտական և ուսումնամեթոդական բարձր մակարդակ, բացահայտեն բժշկության ժամանակակից խնդիրները, լուսաբանեն մասնագետների գիտամանկավարժական և կլինիկական աշխատանքների բովանդակությունը և փորձը, ինչպես նաև ապահովեն տեղեկատվություն և գործնական բնույթի խորհրդատվություն:
- Հոդվածը պետք է խմբագրություն ներկայացնել հայերեն, ռուսերեն կամ անգլերեն: Հայերեն ներկայացնելու դեպքում 150-250 բառերի սահմաններում տրվում է ռուսերեն և անգլերեն, անգլերեն ներկայացնելու դեպքում՝ հայերեն, ռուսերեն և անգլերեն, ռուսերեն ներկայացնելու դեպքում՝ անգլերեն և հայերեն ամփոփումներ`բանալի բառերով:
- Հոդվածին կից ներկայացվում է՝
ա. համալսարանի ամբիոնի վարիչի, իսկ այլ հիմնարկներից ներկայացնելու դեպքում՝ հիմնարկի ղեկավարի կողմից տրված նամակը,
բ. հայտնագործության կամ ռացիոնալիզատորական առաջարկի դեպքում՝ հեղինակային իրավունքի հաստատված պատճենը կամ վկայականը:
- Խմբագրություն են ուղարկվում հոդվածի 2 տպագիր օրինակները՝ 210X 297մմ (A4) ձևաչափով. հայերեն ներկայացվում է Arian amu, իսկ այլ լեզուների դեպքում՝ Times New Roman տառատեսակով, տառերի չափը՝ 12pt, միջտողային տարածքը՝ 1, խուսափել տողադարձերից: Հոդվածն անհրաժեշտ է ներկայացնել նաև էլեկտրոնային տարբերակով
- Հոդվածը աղյուսակների, նկարների, գրականության ցանկի և ամփոփման հետ պետք է կազմի 5-15 էջ: Պրոբլեմային և ամփոփիչ հոդվածների ծավալը պետք է լինի 8-25 էջի սահմաններում:
- Հոդվածի առաջին էջում գրվում է ՀՏԴ-ն, հոդվածի անվանումը, հեղինակ (ներ)ի անվան, հայրանվան սկզբնատառերը և ազգանունը, հիմնարկի անվանումը, որտեղ կատարվել է աշխատանքը և բանալի բառերը (5-8): Աստղանիշով նշվում է նամակագրության համար նախատեսվող հեղինակը, իսկ հոդվածի առաջին էջի վերջում նրա փոստային, էլեկտրոնային հասցեները և հեռախոսահամարը: Հոդվածում պետք է ընդգրկվեն թեմայի արդիականությունը և նպատակը, նյութը և մեթոդները, արդյունքները, քննարկումը, գրականության ցանկը և ամփոփումները (2 լեզուներով): Բիոէթիկայի կոմիտեի թույլտվությամբ՝ կենդանիների հետազոտությունների դեպքում, պետք է զետեղվի հետևյալ հիմնավորումը. «Հետազոտությունը կատարվել է Բիոէթիկայի ինստիտուցիոնալ կոմիտեի հետազոտվող կենդանիների օգտագործման և խնամքի ղեկավար սկզբունքների համաձայն», մարդկանց հետազոտության դեպքում հարկավոր է զետեղել հետևյալ վավերացումը. «Հետազոտությունը համապատասխանում է Բիոէթիկայի ինստիտուցիոնալ կոմիտեի դրույթներին և Հելսինկյան դեկլարացիայի սկզբունքներին»:
- Հոդվածի վերջին էջում դրվում են հեղինակի և համահեղինակների ստորագրությունները՝ նրանց պաշտոնի և գիտական աստիճանի ցուցումով:
- Հոդվածում բանաձևերը պետք է հավաքված լինեն Microsoft Eqation–ով, իսկ քիմիական բանաձևերը՝ համապատասխան խմբագրիչներով: Իլյուստրացիաները (լուսանկարներ, քարտեզներ և այլն) պետք է լինեն 3 Mpx-ից ոչ պակաս խտությամբ և ներկայացվեն թվային-էլեկտրոնային տարբերակով: Յուրաքանչյուր իլյուստրացիայի տակ նշվում է վերջինիս համարը: Աղյուսակները պետք է հավաքվեն Microsoft Word ծրագրով: Աղյուսակները և գրաֆիկները չեն ընդունվում նկարների տեսքով. դրանք պետք է հավաքված լինեն Microsoft Excel ծրագրով: Հոդվածում աղյուսակները և նկարները նշվում են տեքստի համապատասխան տեղում՝ կլոր փակագծի մեջ` ընդգրկելով դրանց համարները:
- Գրականության ցանկը տրվում է հոդվածի վերջում, առանձին էջի վրա՝ ըստ պահանջվող կարգի (ոչ ավելի, քան 30 աղբյուր, իսկ ամփոփիչ հոդվածում՝ մինչև 90)՝ սկզբից նշելով հայրենական, ապա օտարերկրացի հեղինակներին՝ ըստ այբբենական կարգի: Անգլերեն ներկայացվող հոդվածներում այլ լեզուներով գրական աղբյուրները թարգմանվում են անգլերեն՝ փակագծերում ներկայացնելով բնօրինակի լեզուն՝ օրինակ (Russian): Մեջբերվող գրականության ցանկը ձևավորվում է հետևյալ կերպ.
ա) գրքերի համար նշվում են հեղինակի (հեղինակների) ազգանունը և անվան-հայրանվան սկզբնատառերը, գրքի լրիվ անվանումը, որտեղ է հրատարակվել, հրատարակչությունը, հաստատման տարեթիվը, էջերի քանակը:
բ) Ամսագրային հոդվածների համար՝ հեղինակի (հեղինակների) ազգանունը և անվան-հայրանվան սկզբնատառերը, հոդվածի լրիվ անվանումը, ամսագրի անվանումը՝ համաձայն ընդունված հապավումների, հատորը, ամսագրի կամ թողարկման համարը, հրատարակման տարեթիվը, հոդվածի առաջին և վերջին էջը:
գ) Գրքերում (հավաքածուներում) զետեղված հոդվածների համար՝ հեղինակի (հեղինակների) ազգանունը, անվան-հայրանվան սկզբնատառերը, գրքում հոդվածի լրիվ անվանումը (‘.......’ գրքում), գրքի անվանումը, որտեղ է հրատարակվել, հրատարակչությունը, առաջին և վերջին էջը:
դ) Ատենախոսությունների և սեղմագրերի համար՝ հեղինակի ազգանունը, անվան-հայրանվան սկզբնատառերը, ատենախոսության անվանումը՝ համաձայն ընդունված հապավման (օրինակ՝ կենսաբանական.գիտ.թեկնածուի գիտական աստիճանի հայցման ատենախոսության/սեղմագրի), քաղաքը, կազմակերպությունը, որտեղ է կայացել պաշտպանությունը, տարեթիվը, էջերի քանակը:
Տեքստում գրականության հղումները ներկայացվում են քառակուսի փակագծերում՝ ըստ գրականության ցանկի համարի:
10. Չի թույլատրվում ներկայացնել այլ ամսագրեր ուղարկված կամ արդեն տպագրված հոդված:
11. Հանդեսի միևնույն համարում նույն անձը կարող է լինել ոչ ավելի քան 1 հոդվածի հեղինակ:
12. Խմբագրության կողմից տպագրության չընդունված հոդվածները ետ են վերադարձվում միայն հեղինակի պահանջով:
