Yerevan State Medical University after Mkhitar Heratsi

  • Հայ
  • Рус
  • Eng
Slideshow

Ծրագիրը միտված է հոգեբանական ծառայության բարելավմանը

03.10.2012

Երևանի Մ.Հերացու անվան պետական բժշկական համալսարանի ռեկտորի պաշտոնակատար Սամվել Ավետիսյանը հոկտեմբերի 1-ին ընդունեց Fulbright ծրագրի կրթաթոշակառու Ջոն Սարոյանին:

Ջոն Սարոյանը մասնագիտությամբ հոգեբան է, ունի դոկտորի գիտական կոչում։ Նա ընտանիքների և պատանիների հետ աշխատելու մեծ փորձ ունի, եղել է արտահիվանդանոցային և ներհիվանդանոցային հոգեբանական ծառայությունների գծով տնօրեն:

Հանդիպման ընթացքում Ջոն Սարոյանը նշեց, որ Fulbright ծրագիրը թույլ կտա խորությամբ ուսումնասիրելու և հասկանալու հոգեբանական առողջության ծառայությունների համակարգը և խնդիրները` մարդկանց այս առումով հնարավորինս օգտակար լինելու համար: Նաև տեղեկացրեց, որ Fulbright ծրագրի շրջանակներում ամենաշատ հանդիպումները կազմակերպվել են ԵՊԲՀ-ի բժշկական հոգեբանության ամբիոնում: Այս անգամ ևս Fulbright ծրագրի կրթաթոշակով Ջոն Սարոյանը ԵՊԲՀ-ի բժշկական հոգեբանության ամբիոնում է:

Fulbright կրթական գրանտերի ծրագիրը, որը հիմնադրվել է 1946թ.-ին ԱՄՆ սենատոր Ջեյմս Ուիլյամ Ֆուլբրայթի կողմից, ֆինանսավորվում է ԱՄՆ Պետդեպարտամենտի միջոցներով` ԱՄՆ և մյուս երկրների միջև մշակութային-ակադեմիական կապերի ամրապնդման նպատակով և ապահովում է ուսանողների, գիտնականների, դասախոսների, մասնագետների միջազգային կրթական փոխանակումները:

Սամվել Ավետիսյանը նկատեց, որ փոփոխվող հասարակության մեջ հայ ընտանիքների արժեհամակարգը նույնպես փոխվում է կարևորեց հոգեբանության մեջ այդ ուղղությամբ հետագա ուսումնասիրությունների անցկացումը: Նա նշեց, որ համալսարանը կարևորում է ինչպես կրթական և գիտական, այնպես էլ կլինիկական ուղղվածություն ունեցող բոլոր այն ծրագրերը, որոնք նպաստում են միջազգային առաջավոր փորձի ներդրմանը։

Երկուստեք հույս հայտնեցին, որ Fulbright ծրագրի հերթական փուլը ևս արդյունավետ կլինի։

 

ԳԻՏՈՒԹՅԱՆ ՇԱԲԱԹ

Հայտարարություններ


Find us on Facebook