Yerevan State Medical University after Mkhitar Heratsi

  • Հայ
  • Рус
  • Eng
Slideshow

Միջազգային կրթական նոր ծրագիր բժիշկ և ոչ բժիշկ դիմորդների համար

21.06.2017

Երևանի պետական բժշկական համալսարանի Հանրային առողջության ֆակուլտետը ՀՀ Կրթության և գիտության նախարարության կողմից ստացել է Կառավարման մագիստրոս որակավորմամբ «Բուժհաստատությունների կառավարում» (MBA in Health Care Management) կրթական ծրագիրն իրականացնելու լիցենզիա:

Ծրագիրն իրականացվելու է «Մենեջմենթ Միքս» միջազգային խորհրդատվական կազմակերպության հետ համատեղ և մեկնարկելու է 2017-2018 ուսումնական տարվանից:

Կրթական ծրագրի տևողությունը մեկ տարի է: Դասախոսական կազմը բաղկացած է ինչպես հայաստանյան, այնպես էլ արտասահմանից հրավիրված կառավարման ոլորտում բարձր որակավորում ունեցող դասախոսներից, որոնք ունեն նշանակալի փորձ կառավարման, դասավանդման և համապատասխան գիտելիքների գործնական կիրառման բնագավառում:

Կրթական այս նոր ծրագիրը հնարավորություն կընձեռնի համատեղել MBA կրթությունն աշխատանքի հետ, քանի որ դասերը շաբաթական 3 անգամ են` հինգշաբթի, ուրբաթ և շաբաթ օրերին, ժամը 15:00-ից հետո:

Բուժհաստատությունների կառավարում ծրագիրը հնարավորություն է ընձեռնում ձեռք բերել.

  • Կառավարման ոլորտում բարձրագույն մասնագիտական դիպլոմ,
  • Ժամանակակից կառավարչական գործնական գիտելիքներ և հմտություններ,
  • Կառավարման փորձի փոխանակում ՀՀ-ում հաջողված խոշոր բժշկական հաստատությունների և կազմակերպությունների ղեկավարների հետ,
  • Գիտելիքներ բժշկական հաստատությունների միջազգային կառավարման ստանդարտների և մոդելների վերբերյալ,
  • Բուժհաստատությունների և այլ կազմակերպությունների խնդիրների հայտնաբերման, հետազոտման, վերլուծության և արդյունավետ լուծման ունակություններ։


Տեղեկացնենք, որ դիմումներն ընդունվում են հունիսի 27-ից մինչև սեպտեմբերի 14-ը ԵՊԲՀ-ի Հանրային առողջության ֆակուլտետի դեկանատում (ԵՊԲՀ, վարչական մասնաշենք 3–րդ հարկ):


Անհրաժեշտ փաստաթղթերի ցանկ.

  • Բարձրագույն կրթության դիպլոմ և միջուկ, դրանց պատճեները,
  • Անձնագիր, անձնագրի պատճենը,
  • Չորս 3x4 լուսանկար,
  • Մոտիվացիոն նամակ (1 էջ)
  • Ինքնակենսագրություն (CV)


Հեռ.: 011 621 018
E-mail: This e-mail address is being protected from spambots. You need JavaScript enabled to view it

 

Science Week 2017

Announcements


Find us on Facebook