Yerevan State Medical University after Mkhitar Heratsi

  • Հայ
  • Рус
  • Eng
Slideshow

ԵՊԲՀ ուսանողական գիտությունը աշխարհի տարբեր գիտական հարթակներում

Нет перевода
6.06.2017

«ԵՊԲՀ ուսանողական գիտությունը աշխարհի տարբեր գիտական հարթակներում» խորագրի ներքո այսօր ևս ներկայացնում ենք գիտության մեջ ընդգրկված միանգամից երեքի մեր ուսանողներին: Ընդհանուր բժշկության ֆակուլտետի 5-րդ կուրսի ուսանողներ՝ Թամարա Հարությունյանը, Մանուշակ Ավագյանը և 4-րդ կուրսի ուսանող՝ Լիանա Հայրապետյանը, ովքեր հանդիսանում են բժշկական համալսարանի Ուսանողական խորհրդարանի Ուսանողական գիտական ընկերության ակտիվ անդամներ, հրավեր էին ստացել մասնակցելու Սոֆիա քաղաքում անցկացվող «16-րդ Միջազգային բժշկագիտական կոնգրես»-ին: Գիտաժողովին մասնակցում էին ավելի քան 700 ուսանողներ մոտ 60 երկրից:

Ուսանողները ներկայացրել են իրենց կողմից կատարված գիտահետազոտական աշխատանքները: Թամարա Հարությունյանը և Մանուշակ Ավագյանը`նախակլինիկական հատվածում զեկուցել են «Ցիկլոսպորինով իմունոսուպրեսիայի ազդեցությունը քաղցկեղի քսենոգրաֆտային մոդելում» և «Նեոնատալ առնետների քաղցկեղի քսենոգրաֆտային մոդելի ստեղծում» թեմաները: Այս հետազոտական աշխատանքները Ուսանողական գիտական ընկերության կողմից սկսվել են դեռևս 2015 թվականին և մեր ուսանողները կարողացել են այս ընթացքում ստեղծել համապատասխան մոդել ապագա փորձարկումների նպատակով: Լիանա Հայրապետյանը ներկայացրել է «Մետաբոլիկ համախտանիշ և իր հետ կապակցված վաղ գործոնների տարածվածությունը երիտասարդների շրջանում» հետազոտական աշխատանքը և զեկուցումների իր ենթաբաժնում զբաղեցրել է պատվավոր առաջին հորիզոնականը:

Այս աշխատանքը կատարվել է 2015թ. սեպտեմբերին ԵՊԲՀ պրոֆեսոր Գրիզելդա Նավասարդյանի ղեկավարությամբ և կենսաքիմիայի ամբիոնի հովանու ներքո, որը և տրամադրել է համապատասխան լաբորատորիան և միջոցները հետազոտությունն իրականացնելու համար: Մեր ուսանողներն այդ չորս օրերի ընթացքում մասնակցել են տարբեր workshop-երի, հայտնի բժշկների և գիտնականների դասախոսությունների, լրացրել են իրենց գիտելիքների պաշարը և՛ գործնական, և՛ տեսական գիտելիքներով, համագործակցություն են հաստատել օտարերկրյա ուանողների և Բուլղարիայի բժշկական ուսանողների կազմակերպության հետ: Այդ համագործակցության շնորհիվ օտարերկրյա մի շարք ուսանողներ հրավիրվել են մասնակցել ԵՊԲՀ ուսանողական գիտական ընկերության ամառային գիտական դպրոցին:

 

Science Week 2017

Объявления


Find us on Facebook