Yerevan State Medical University after Mkhitar Heratsi

  • Հայ
  • Рус
  • Eng
Slideshow

Գիտական բարեփոխումները սկսում ենք արմատներից

22.05.2017

Գիտության գծով պրոռեկտոր պրոֆեսոր Կոնստանտին Ենկոյանը հանդիպեց «Հերացի» ավագ դպրոցի բնագիտական հոսքի դպրոցականների և ուսուցիչների հետ:

Քննարկումը սկսվեց աշակերտուհիներից Շուշաննա Աթաջանյանի անչափ ոգևորիչ խոսքով, որում նա շեշտեց, որ գիտության մեջ ընկղմվելու իր որոշման և ոգևորության հիմքում ընկած է «Նոբելյան օրեր Երևանում» միջոցառումը և նոբելյան մրցանակակիրների դասախոսությունները. աշակերտուհին հենց այդ պահին զգաց իր ոգեշնչումը և որոշեց, որ պետք է ստեղծի: Հենց այդ միջոցառման կարգախոսը՝ «Ոգեշնչվիր և ստեղծիր», Շուշաննան ընտրեց որպես իր աշխատանքի կարգախոս:

Ոգևորությունն ավելի մեծացավ, երբ Շուշաննայի այս խոսքը շարունակեցին ոչ միայն աշակերտները, այլ նաև ուսուցիչները՝ ընդգծելով աշակերտների և հենց իրենց անչափ մեծ ոգեշնչումը այդ միջոցառման ընթացքում, ինչից հետո շատերն ընդգրկվեցին հետազոտական աշխատանքներում:

Աշակերտուհին ներկայացրեց իր կողմից կատարված հետազոտական աշխատանքը, որի շուրջ ծավալվեց անմիջական քննարկում: Պրոֆեսորը կիսվեց գիտության մեջ իր ունեցած փորձով և համապատասխան խորհուրդներ տվեց աշխատանքն առավել արժեքավոր դարձնելու նպատակով:

Այնուհետև քննարկվեցին դպրոցի և համալասարանի միջև համագործակցության հետագա ուղիները և աշակերտների գիտության մեջ ընդգրկելուն և նրանց հետաքրքրությունը դեպի գիտությունը մեծացնելուն ուղղված քայլերը:

Հանդիպման ավարտին պրոռեկտորը կիսվեց աշակերտներից ստացած իր տպավորություններով և խոստացավ, որ նման հանդիպումները կլինեն պարբերական:

«Կամրջելու ենք աշակերտների և ուսանողների գիտական պրպտումները, իսկ մեր գիտական հայացքը այսուհետ ևս ուղղված է լինելու դեպի աշակերտներ»,- հավելեց նա:

 

ԳԻՏՈՒԹՅԱՆ ՇԱԲԱԹ

Հայտարարություններ


Find us on Facebook