Yerevan State Medical University after Mkhitar Heratsi

  • Հայ
  • Рус
  • Eng
Slideshow

Մտածել ոչ թե անհատի, այլ բնակչության առողջության մասին. բաց դռների օր Հանրային առողջության ֆակուլտետում

16.05.2017

ԵՊԲՀ հանրային առողջության ֆակուլտետի այսօր անցկացրած բաց դռների օրվա շրջանակում դիմորդները և նրանց ծնողները հնարավորություն ունեցան ավելի մանրամասն ծանոթանալ կրթական արդեն գործող, ինչպես նաև նոր ծրագրերին:

Այդ ֆակուլտետ կարող են ընդունվել ինչպես բժշկական, այնպես էլ ոչ բժշկական կրթությամբ դիմորդներ այլ բուհերից (բակալավրի աստիճանը պարտադիր է): Բժշկական կրթությամբ դիմորդները կարող են դիմել բոլոր չորս մագիստրոսական մասնագիտացված ծրագրերին, իսկ ոչ բժշկական կրթությամբ դիմորդները` միայն երկու մագիստրոսական մասնագիտացված ծրագրերին:

Դեկան Մարինե Հովհաննիսյանը՝ ներկայացնելով ֆակուլտետի հնարավորությունները նշեց, որ հանրային առողջության նպատակն է առաջին հերթին իրականացնել ծրագրեր, որոնք ուղղված են ոչ թե անհատի, այլ բնակչության առողջության պահպանմանը, հիվանդությունների կանխարգելմանն ու վերահսկմանը:

Հանրային առողջության մասնագետների պահանջարկը ոչ միայն աշխարհում, այլև Հայաստանում գնալով մեծանում է: Այդ մասին վկայեցին նաև ֆակուլտետի շրջանավարտները, որոնցից շատերն այսօր հաջողությամբ աշխատում են թե պետական, թե մասնավոր հատվածում:

ԵՊԲՀ ռեկտոր Արմեն Մուրադյանն ընդգծեց, որ ֆակուլտետի առաջիկա ծրագրերի հիմքում մեր երկրում «հոսպիտալ մենեջմենթ» գաղափարի ներդրումն ու զարգացումն է, առողջապահության կազմակերպիչների պատրաստումը:

Միջոցառումը հնարավորություն տվեց դիմորդներին պատկերացում կազմել այս մասնագիտացման հեռանկարների մասին, ինչպես նաև տեղում ստանալ բոլոր հետաքրքրող հարցերի պատասխանները:

«Հանրային առողջության» ֆակուլտետի գործունեության մանրամասներին կարող եք ծանոթանալ հետևյալ հղումով՝

www.ysmu.am:

 

ԳԻՏՈՒԹՅԱՆ ՇԱԲԱԹ

Հայտարարություններ


Find us on Facebook